ಚಂದದ ಮನೆ

 ಒಂದು ಚೆಂದದ ಮನೆ ಇತ್ತು,

ಈರ್ವರೆಜಮಾನಿಯರದಕೆ,

ಹೆಸರು, ಸಾಕಮ್ಮ, ಬೇಕಮ್ಮ,

ಸಾಕಮ್ಮನ ಯಜಮಾನ ಸಂತೃಪ್ತಿ,

ಬೇಕಮ್ಮನ ಯಜಮಾನ ಅತೃಪ್ತಿ.

ಮೃದು ಸಾಕಮ್ಮ ಸಂತೃಪ್ತಿ,

ತುಸು ಜೋರು ಬೇಕಮ್ಮ ಅತೃಪ್ತಿ,

ನಿತ್ಯದಲಿ ಕಾಳಗ ಈ ಮನೆಯಲ್ಲಿ,

ಗೆಲ್ಲುತ್ತಿದ್ದದ್ದು ಬೇಕಮ್ಮ ಅತೃಪ್ತಿ,

ಗೆದ್ದು ಮನೆಗೆ ಒಡ್ಡುತ್ತಿದ್ದರು ಸಂಕಟ.

ಸಾಕಮ್ಮ ಸಂತೃಪ್ತಿ ಸರಿಗೈದು, ಸುದಾರಿಸುತ್ತಿರಲು,

ಮರೆತು ಮತ್ತದೇ ಕಾಳಗಕ್ಕೆ ಒಡ್ಡುತ್ತಿದ್ದ ಬೇಕಮ್ಮ,

ವರುಷಗಳ ವರೆವಿಗೆ ಹೀಗೆ ನೆಡೆದು ಬಂತು,

ಒಮ್ಮೆ ಅರ್ಥಮಾಡಿಕೊಂಡರು ಬೇಕಮ್ಮ ದಂಪತಿಗಳು,

ಕಾಲ ಮಿಂಚಿತ್ತು, ಮನೆಯೇ ಇಲ್ಲವಾಗಿತ್ತು... 

ಕಲ್ಪನೆ: ಫಣಿ