ಬೇಕೆಂಬ ವಿಷ

 

ಬೇಕು ಎಂಬುದು ವಿಷವಲ್ಲದೆ ಮತ್ತೇನು?

ಬೇಕು ಎಂಬುದು ಮದಿರೆಯ ಮತ್ತೇನು!

ಬೇಕು ಎಂಬದೆ ದೊರೆವುದೆರಡೇ, ಹುಟ್ಟು-ಸಾವು

ಈ ಎರಡರ ನಡುವೆ ಬೇಕುಗಳು ಹಲವು.

ಕೀಟ-ಮಂಡೂಕ-ಸರ್ಪ-ಗರುಡ ಸರಪಳಿ,

ಒಂದು ಬೇಕುವಿನ ಬೆನ್ನಿಗೆ ಹಲವು ಬೇಕುಗಳು ಸಾಲಲಿ,

ನಿಲ್ಲದ ಓಟ, ಇಲ್ಲದುದರ ಹುಡುಕಾಟ,

ಇದು ಬೇಕೆಂಬ ವಿಷ ಪ್ರಾಶನದ ಕಾಟ.

ಬನ್ನಿ ನಿಲ್ಲೋಣ ಒಂದರೆಗಳಿಗೆ,

ಬೇಡವಂ ಅಪ್ಪೋಣ ಬಯಕೆಗಳಿಗೆ,

ಬೇಕೆಂಬುದು ವಿಷ, ಕಿಸೆಗೆ-ಮನಸ್ಸಿಗೆ,

ಅಂತೆಯೇ ನೆಲಕೆ, ಜಲಕೆ ಒಟ್ಟಾರೆ ಧರೆಗೆ.

ಪುಸ್ತಕ

ಮರೆತಿರುವೆನು ಓದುವುದನ ಪುಸ್ತಕ,

ಜ್ಞಾನಾಹರವಿಲ್ಲದೆ ಬಡವಾಗಿದೆ ಮಸ್ತಕ,

ಕಳೆದುಹೋದ ದಿನಗಳ ನೆನೆದು ಭಾವುಕ,

ಘತವೈಭವ ಮರುಕಲಿಸಬಹುದೇ ಸಖ-ಪುಸ್ತಕ...