ಮೌನ

ಮೌನದ ಮತ್ತು ಮಥಿಗೇರಿತ್ತು ಇಂದು,
ಮರುಕಳಿಸಿತು ಗತ ವೈಭವದ ನೆನಪು - ಒಂದರ ಹಿಂದೊಂದು,
ನಿಂತ ಮಳೆಯ ನಂತರದ ಕಪ್ಪೆಗಳ ಓಟಗುಟ್ಟು,
ಹರಿವ ನಧಿಯ ಜುಳು ಜುಳು ಗೆಜ್ಜೆಯ ಗಾನ,
ಜೀರುಂಡೆಯ ಝೇಂಕಾರ,
ಕಾಲ್ ಕೊರೆವ ಕಡಲು ಅಲೆಯ ಸಪ್ಪಳ,
ಮನವರಿವ ಜೊತೆಯಾಡಿಯೊಂದಿಗಿನ ಮೌನದ ಮಾತು,
ಕಣ್ ಕಂಬನಿಯೊಡೆದು ಬಿತ್ತೊಂದು ಮುತ್ತು...

ಜೀವನವಿದು ಮೌನಗಳ ಮೆರವಣಿಗೆ, ನಡೆಯುತ್ತಲೇ ಇರುವುದು ನಿರಂತರ,
ಪಾಠ ಕಲಿಸುವ ಮೌನ, ಏಕಾಂಗಿತನದ ಮೌನ,
ಎನ್ನ ನಾ ಅರಿಯಲು ಕನ್ನಡಿಯಾದ ಮೌನ,
ಮೌನ, ಮೌನ, ಮೌನ...
ಕಡೆಯುಸಿರೊಡನೆ ಅಂತಿಮ ಸ್ನೇಹಿ ನೀ ಮೌನ...