ಅಂಗಿಯ ಅರಿ

ಎಷ್ಟು ದಿನ ಬಾಳಿಕೆ ಬರುವುದೋ ಈ ಅಂಗಿ,
ಮಲಿನವಾಗಿಹ ಅಂಗಿ, ಮಾಸಿದಾ ಅಂಗಿ,
ಸವೆದ ಅಂಗಿ, ಹರಿದು ಹೊಲಿದಾ ಅಂಗಿ,
ಸಾವಿರ ಸ್ನಾನದ ನಂತರವೂ ಸ್ವಚ್ಛವಾಗದಾ ಅಂಗಿ,
ದೇಹವೆಂಬ ಆತ್ಮಕೆ ಅಂಟಿಹಾ ಈ ಅಂಗಿ,
ರಂಗಿನ ಅಂಗಿಗೆ ಬೆಲೆ ಕೊಡುವ ಕಾಲ,
ದೇಹದ ಇರುವಿಕೆಯನ್ನೇ ಮರೆತಿಹ ಮಾಯಾಜಾಲ,
ಅಂಗಿಯೊಡನೆ ಮೋಹ ಬೇಡ,
ಬಹು ಅಂಗಿಯಾ ತೊಡುವುದು ದೇಹ,
ದೇಹದ ಉತ್ಥಾನಕ್ಕೆ ಅಂಗಿಯ ಆಸರೆ,
ಮಾಯೆಯ ಸರಿಸಲಾಗದೊಡೆ, ಅರಿತರೂ ಲಾಭವೇ...
ಅರಿತು ಅಂಗಿಯ ಬಳೆಸು ದೇಹದ ಉತ್ಥಾನಕೆ.